Sia Khup Za Go,

Pastor ZCF, New Delhi Suunna

 Nimit : April 9, 2005

Guai

Tuni mail ka check leh lamet het lohpi-in Sia Khup' tuahsiatna leh hong nusiat thu ka mu lak hi. Lungsim ah hong lang masa pen 'Zomite Aksipi Khat' in hong phamsan ta aive maw cih leh, pausiat lohin tu sawng a tuah khak thu teng tawh Pasian in sehna khat nei liang ai tam cih leh, a laibu 'Leivui Pan' (Hih review ding ka cihcih laitak) leh i Lai Siangtho (Online Version) a muh man pen lamkhat ah hampha ka sa hi.

Mihing khat dingin Sia Khup zaha Zomi sung pan i minam (politics), i biakna leh i lai a naaklahpih leh khutma nusia midang i om kei ding hi, ka ci ngam a, ama mun luah zo ding mi i neih pak haksa mahmah ding hi.

A innkuanpih ten Sia Lai-uukmi ahih mah bangin Net sunga 'suunna kammal' teng kaikhawmin koihcing le uh Sia Khup' lungkimna dan hi dingin ka lamen hi.

Sia Khup tawh ka kihona uh nung pen leh ka kep suak a nuaia ahi hi:

Dahna tawh,

J. Thang Lian Pau

––––––––––––––––––––––––––––––––––––––––––––
Date:Mon, 4 Apr 2005 22:01:54 -0700 (PDT)
From:Send an Instant Message "Khup Za Go"
<khupzago@...>Add to Address BookAdd to Address
Book
Subject:Huh ngetna
To:zotop@...

Dear Sia Pau,

Na damdam hiam? Aizawlah meltheih maingap mail zang nang bek na hih manin kong buaisak kik hi. Kristian Tlangau leh Thu leh Hla January 2005 panin ka ngah nawn kei hi.Pa Gin Za Go in a lak man hong piaksak hi a, amah in tel pen ding a hih manin hih a nuaia ka address thak ah hong khakna dingin na gensak leh deih ing.Pa Gin Za Go tawh na kimuh peuhpeuh ciangin na gensak ta in. Aizawl ZBC Post Box 21 maw 17 cih zong thei nuam ing. ZCI hong kikhak khial thei zel hi.

Address thak:
Rev. Khup Za Go
32/B 2nd Floor
Madan Singh Tokas
Munirka, New Delhi 110067

Ka address lui pen Rev. Khup Za Go
77/12, R.K. Puram, New Delhi

 

Ka lungdam hi.

 

Khup Za Go
––––––––-