March 6, 1982 in Mizoram a eimi sunga mi phatuamngai bangzah hiam
paikhawmten i Culture, Custom leh Literature hoihte kepbit leh
khantouh sak a, i minam sunga ki pumkhatna hoihzaw sem a om theih na
ding leh i nam aiawhna thil dang tuamtuam a mala leh mawhpaw ding in
Mizoram Paite Cultural Society (MPCS) Aizawl-ah na phuhkhia uhi.
Heutu masate kipiakzohna leh mipite pankhawmna in MPCS pawl hattak
leh kingakna taak a na hitou den mahleh vangsiathuai takin 1998 kum
vel apanin a keniam in a pai mumal thei nawn kei hi. Paite Cultural
Society a poimawh dan thei in Mizoram a eimi sunga INPI a i neih
Mizoram Paite Union (MPU) malakna in Ni 27th September, 2005 in
Nam it mi bangzah hiam paikhawm in Mizoram Paite Cultural Society
‘tungding nawna, a kul leh poimawh banga ma la din a nuaiate
mawhpuakna guan uhi.
President - Gin Za Go
Vice-President - V.Thangsonmung
Secretary - Ngulzathuam Guite @ Thuama Guite
Asst. Secretary - Thanglianzau
Treasurer - Hawng Thawn Tuang @ H.Thantluanga
Finance Secretary - Kham Suan Pau
Secretary i/c Publicity - James K.C. Samte
Office Bearers Meeting in a nuaia bangin Patrons, Advisers leh
Executive Committee members sehna nei hi.
Patrons
1. Dr.H.Thansanga, Ex. Minister.
2. Haukhum Hauzel IAS, Chief Secretary, Govt. of Mizoram.
Advisers
1. Clement Lalrema
2. K. Guite
3. K.C. Zauva
4. H. Lalzuilian
5. H. Thawng Pau
Executive Committee Members
01. Dal Go Nang
02. T.Khamsuanmang
03. Kamzakhum
04. Jenny Hauzel
05. Khairoding
06. T.Pazawn Tonson
07. Pauzamang
08. Ronald Selthuam
09. Sangthankim
10. Darliansiam
11. Dongaih
12. J.K.Mungpi
Malaknate Khenkhat:
1998 vela pana Mizoram Paite Cultural Society Headquarters a pai
mumal theih nawnlouh manin bulpat thak ngai tampi oma, deih bang a
hatin ma ki la pah theikei mahleh mipite pankhomna leh tosawnna
ziakin malam nawtin a kipai tou zelzel a, January 23, 2006 a
National Commission for Religious and Linguistic Minorities,
Memberten Aizawl a hong hawh lai un Home Department Mizoram apan
Mizoram Paite Representative dia seh ahihna bangin Pu Ngulzathuam,
Secretary MPCS in Mizoram a Minorities Nam tuam tuam te tawh
National Commission for Religious and Linguistic Minorities Memberte
Aizawl-ah Meeting neih pih in Mizoram a eimite haksatna tuam tuamte
kikuppih in Memorundum piak lutna leng ana nei hi. Hiai tawh kisai
hon panpih Pu S. Guite leh Pu J. Thang Lian Pau tungah kipahhuai aki
sa petmah hi. Hiai Meeting toh kizomin Jan.23.2006 zan in Tourist
Lodge, Chaltlang- ah National Commission for Religious and
Linguistic Minorities Memberte mai ah Mizoram Paite Cultural Society
Hrqs. in i Nam Lam nalh tak a lahna leng aki nei hi.
Mizoram Paite Union Hqs. in hon chialna bangin MPCS Hqs. in Cultural
Meet Champhai-ah neih hoih a kisa a himahleh Fund bangmah neihsa
omlou ahihmanin North Eastern Council (NEC) ah Fund aki ngen a. Huai
ding a Project bangkim Pu Lalrozual makiahna in a ki bawl a; i
Project bawl hoihtak a hon forward sak MPCS Hqs. Patron Pu Haukhum
Hauzel IAS tungah Pawlpi kipahna a lian mah mah hi. NEC a Project
bawhzui din Vice-President V.Thangsonmung leh Secretary Ngulzathuam
Guite Pawlpi sikin Shillong-ah a ki sawl a, lawhching tak a ahong
tunkik manun ki pahhuai kisa mah mah hi. Hiai lohchin na ah a bik
takin Pu. H.V.Lalringa IAS Secretary N.E.C. in hon deihsakna ziak
liau liau a hi a, ama tungah MPCS Hqs. a kipak mah mah hi. Hiai
banah Pu T.K. Hangzo IDAS, Deputy Financial Adviser, NEC in leng a
kul leh poimawh bangkim hon na buaipih ziakin pawlpi ki lamzang tuan
mahmaha, ama tung ah leng Pawlpi kipahna a lian mah mah hi. NEC a
pan a i Fund muh MPU Assembly leh Cultural Meet 2006, Champhai ah
kizang ding hi.
Feb. 22-25, 2006 in Sialkal Tlang dung, Mimbung, Hiangmun, Theikhang
leh Kawlbem khuate ah Paite Cultural Society Unit tunding nawnna a
ki nei a, Sialkal Tlang dung a Unit te hihhat a puahpha din
Headquarter apat Ngulzathuam Guite, Secretary, Thanglianzau Asst.
Secretary leh James K.C.Samte, Info. Secretary te va hawh tou ua,
lawhching takin a hawng kik nawn uhi. Hoih taka hon na kithuahpih
Pu.T.Khaisiam, Mimbung, Paite Cultural Society, President tungah
kipah thu i gena, Motor hon ngaihtuah sak Pu. Dr.H.Thansang tungah
leng kipahhuai akisa mah mah hi.
Feb. 13, 2006 a Executive Committee thupukna bangin a khatveina ding
Souvenir bawl lem a kisa a, Editorial Board a nuai a banga seh ahi.
Editorial Board:
Chairman - Pu Khamkhokam Guite
Vice Chairman - Pu. T.Liansangvung
Secretary - Pu S.B.Dal Go Nang
Joint Secretary - Pu Lal Rozual
Joint Secretary - Pu Patrict Sian Piang
Member:
1. T. Chinkhansiam
2. J.K. Mungpi
Amauten hun cheptak kara hichi bang Souvenir hoih tak leh eimite a
dia khangthu sutna dia ki ngakna tak mualsuang hon bawl suah man un
pahtak huai isa petmah a, MPCS Hqs. in a saite tung ah kipahthu aki
gen ngal bawk hi.
