SSPP HQ. MIZORAM MAKAITE

  PRESIDENT-TE

  K. Thuamzik

(1989-1991)

  A. Siama Hatlang

(1991-1993)

  K. Biakchungnung

(1993-1996)

  H. Zakap

(1996-1997)

  L. Vungzathang

(1997-2001)

  P.H. Lalbiakhlun

(2001-2004)

  T. Nengkhansut

(Tua len lel)

 OFFICE BEARERS

15.6.2005 - 26.5.2006

T. Khumsangmuan

T. Darliansiam

T. Pazawn Tonson

J. Siamlian Hauzel

1) P.H. Lalbiakhlun, Ex-President

2) T.Thanhnun Tonson, Ex-Vice President

 15.6.2005 - 26.5.2006

26.5.2006 -

 15.6.2005 - 26.5.2006

 26.5.2006 -

  G. Thangchhuan

  H. Ginzathang

  H. Thangkhanhau

  J.K. Mungpi

  K. Thanglianzau

  L. Siam Johnson

  T.S. Hauzalian

  Thuamrochung

  L. Thanglianmang

  Lalhmachhuan

  Lalmalsawm Hauzel 

  Pumkhopau

  S. Vanlallian

  T. Lalchhandam

  Ngairopar 

  T. Darliansiam

  Zam Sian Cing

 TS. Hauzalian

 Vanlallian

 K.Thangzalian

 Siam Johnson

 G.Thangchhuan

 Sangthankim

 Mangpi

 Sawmthang

 Malian

 Ngairopar

 Siamhmingthang

 Ngairomawi

 Ngaihthuam

 VL Malsawm

  Pu H. Rohlun, M.L.A         

  Pu H. Zathuam, Ex-M.L.A

  Pu Haukhum Hauzel, I.A.S

  Pu Khamkhokam Guite,  S.E., P&E Dept.

  Pu L. Thangmawi, Academic Officer, MBSE

  Pu Muana Hangshing, President, PTC, Mizoram

  LEGAL ADVISERS

  Pu G. Thanglianmang

  Pu V.L. Malsawm  

  Chairman

  Secretary 

  Members

SSPP HQ. MIZORAM MALAKNA KHENKHATTE

(June 15, 2004 - July 15, 2005 Kikal)

1. Committee neih zah:

O.B. Meeting - 15, Executive Meeting - 28, Executive Emergency Meeting - 3, Consultative Meeting - 1.

2. Membership fee: Kum 2004-2007 sunga dinga Executive Meeting masa pen 26th June 2004 a neih thukimna ― Aizawl khawpi sungah Membership Fee innlusi-a khon leh Census neih hi hen, kichih bangin khontu area tuamtuamah kiseh a, khon kim haksa mahmah a, khon khak report hong lut teng etin Aizawl khawpi-ah tu dinmunin SSPP Member omna innkuan 600 bang kipha hi.

3. Freshers’Social-cum-Award Distribution 2004: Siamsin Pawlpi Headquarters Mizoram in kum tenga ahih sek ‘SSPP Freshers’ Social-cum-Award Distribution 2004’ pen 7th Sept. 2004 in State Archives Hall, Babutlang, Aizawlah neih ahi a. Hiai hunin SSPP memberte kimeltheihtuahna leh Siamsinna lam tuamtuama siambikna neite kiangah SSPP Headquarter Mizoramin criteria a neihdan uh enin Meritorious & Honours Certificate a nuaia mi li kiangah kipia hi.

i) Dorothy Muansangi d/o G.N.P. Vala, Chaltlang, Aizawl (HSLC - 10th position under MBSE. Topper in English subject)

ii) Lallungmuani d/o T.Vungthang, Dinthar Veng, Aizawl (B.Sc - Bot. First Class; 6th Position under NEHU, Shillong)

iii) Hau Za Chin Suante s/o Pum Do Lian, Murlen (Ph.D. - Chemical Dynamics. Title of the Thesis: ‘Kinetic Studies on the Oxidation of Carboxylic Acids by Quinolonium Dichromate’)

iv) H. Laldinsanga s/o H.S. Laltanliana, Saron Veng, Aizawl (IIIrd International Basketball Sports Games, Children of Asia, Yakutsk, Russia-ah India teamah khela, medal li tak hon ngah hi. Tulelin India Basketball Senior Teamah khelin, Mizoram sunga dinga kikhel omsun ahi. Amah hi India basketball Team Junior-ah Captain kaipha ta ding hi.

Chin, hiai Fresher’s Social zat niin Member paikhawm ten Resolution, ‘Siamsin Pawlpi hi Mizorama Siamsin mite adingin a hun tawk (kichingkhop) hi,’ chih kithutuak takin ki-passed hi.

4. All India Radio Programme tungtang: Makai masate malakna zoptouhna leh India khua leh tui hihna-ah leng Tribe Recognition i muh banga i tanvo ding tan ngei hoihsakna a liantou hiaihiai a. Hiai-ah danin a phal banga i tanvo ding diktak, All India Radio, Aizawl Station-a Paite Programme tan hi i thiltup pen ahi. Hiai tungtangah SSPP Joint Headquarters, Delhi-te tawh pangkhawma malaktouh zel ahi a, hiaia hon panpih theitu dinga ngaih Mizoram M.P. nih, Pu Lalhmingliana (R.S) leh Pu Vanlalzawmate (L.S) leng hiai tungtang nakpi taka genpih ahi ta uh hi. Hiaite kia lou leng Mizorama dinga i mi muan Mizoram Pradesh Congress Committee, President Pu Lal Thanhawla leng a teenna innah kimuhpihin thil paidan leh omdan genpih ahi a, amau ten pan hon lakpihdan uh a gen ban uah, amau mitmuh ngeiin leh amaute theihpihna-in Petition leng ki-remind zel a. Amau ten a hon panpihdan uh leh nawh takangah pah vutvut theih ahih louhdan gen uh a, ma hon lakpih zel dingun hon kamchiam uhi.

5. AIR Aizawl Station-ah Zo ngeina la kikhum: I nam ngeina la leh tawndante kepbit hi khangthak hong om zelte hih ding ahi. Hiai ahihna-ah SSPP Headquarter in leng i ngeina Zolate puanzakna hun hoih hia theihna-in kum 2004 tawp leh kum 2005 bulin All India Radio, Aizawl Station-ah khatvei tuak kikhum ahi.

6. Drugs Awareness tungtang: Ei Paite namte Compact Area chi-a i suan mahmah Sialkaltang dungah Leitung khangtou zel in a kenkhawm Drugs zatkhialhna tam mahmah chih theih ahi a. Hiai hi SSPP mah’ malakna ding mahin ngaihsut ahih ziakin November 16–19, 2004 sungin SSPP Headquarter in Mizoram Excise Department tawh kikopin Sialkaltang dungah Drugs Awareness Campaign lawhching takin bawlin kiphattuampih mahmaha theih ahi.

7. Sesih-tang dungte haksatna panpih: Sesih leh a kiang naia eimite tenna khua khenkhatah Teacher om hoihlou leh kidaihloh thuah panpihna SSPP Hqrs. ah hon nget uh bangin theih bang tawka panpih ahi uh a, hiai-ah hi lawhching mahmah a, amau leng kipak siam mahmah uhi.

8. Mizoram Electoral Roll tungchang: Mizoram Electoral Roll tungtangah eimite adingin kilungkim lou ahih ziakin hih theih bangbanga malak hoihsakna a om bangin Department-a thuneite leh mi tuamtuam kiang kitun a. Hiai hi a bikin eimite teenna khuate-ah ahi deuh hi. Diklou taka vote nei theite paih ahih ziak leh a neilou dingte neihsak ahihna tungtang ahi deuh hi. Tudinmuna Mizoram Eletoral Intensive Revision 2005 etin kilawhching chih theih hi.

9. MZP General Assembly tungtang: Kum 2004-a Mizo Zirlai Pawl General Assembly, Kawzawl khua-a neihah SSPP Hqrs. aiawhin President leh General Secretary-te va kihel uh a. Hiai huna thu ngaihtuah dinga SSPP Headquarter in Agenda a sun ― Mizoram Electoral Roll et nawn hi hen, chih leh Siamsinna lam puahphat ahih theihna ding leh Teacher kidaih lou lua hi Mizoram kumpi tungah tun a, malak touh hi hen, chih passed dinga nget ahih bangin kipassed a, hiai hi lawhchingtou zel hi.

10. North India Study Tour: Mizoram sunga dinga Student Organisation i neih let pen Mizo Zirlai Pawl (MZP) leh SSPP Hqrs. tawh sepkhopna hoihtou zel a, hiai a hihna-ah Mizo Zirlai Pawl (MZP) General Headquarter-ah leng President leh General Secretary-te MZP Executive Committee Member a kihi ngal hi. MZP nasepna pen SSPP Hqrs. nasepna, SSPP Hqrs. nasep leng MZP nasepna ahi a, kipangkhawmtou zel a hihna-ah MZP leh Union Finance Ministry pangkhawma North India Study Tour, October 2004-a neihah SSPP Hqrs. aiawhin Lia Siamhmingthang d/o T. Vungmang, Dinthar,
Aizawl zong kihel hi.

11. Union Hme Minister kimuhpih: Jan. 31, 2005 nia Aizawla hong zin Union Home Minister Shri Shivraj V. Patil muhna SSPP Hqrs. President Pu T. Nengkhansut, Gen. Secretary Pu H. Kamzakhum leh Adviser Pu Muana Hangshing ten kinei hi. Hiai-ah Paite ten India khua leh tui diktak i hihna a i tanvo ding om thei tuamtuam genpih ahih banah All India Radio, Aizawl Station-ahProgramme neih i ngetna tungtang genpih ahi. Aman India khua leh tui ahi nam tuamtuam ten a tanvo diktak uh a tan uh hi India kumpi’ thiltup lian pen ahihdan hon genpih banah Memorundum kikhelut leng ana etzui ding hong chiam hi. Hiai hi tun SSPP Joint Headquarters, New Delhi-te tawh pangkhawma malaktouh zel ahi a, lawhching ngei dingin i kingai hi.

12. Doordarchan Kendra (TV), Aizawlah la thun: SSPP Hqrs., Mizoram malakna-in Doordarshan Kendra, Aizawl Station-ah April, 2005 in Gamngaih la dawng li thun ahi. Hiai hi i nam la leh tawndan, kicheidan bangkim dawksakna hun lemchang tak ahihna-ah kipahhuai mahmah mai hi.

13. Zo-Fest 2004: Mizorama Zosuan nam tuamtuamte i kipumkhat theihna dinga mala bel pen leh tu dinmuna i dinmun hon theihsiampih pena i ngaih MZP General Headquarter leh Mizo Zaimi Insuihkhawm Pawlte innteekna nuai-ah Dec. 14-16, 2004 sungin ‘Unau kan ni’ chih thu bulphuha zangin Zo-Fest thupi tak Aizawl, A.R Ground-ah neih ahi a. Hiai huna i namlamte ensak a, pholang dingin Zenhang Lamka Cultural Troupe-te kichahsuah a, amau SSPP Hqrs. min tawh i namlam nam li siam tak maiin lamin hong lak ua, hiai banah Paite nam kizepdan leh tawndan tuamtuam lahna leng kinei hi. Hiai huna SSPP General Headquarter pana hong pai leh namlam ensak dinga hong pai teng SSPP Hqrs., Mizoram in kizintun hi. Hiai in hi kipumkhat seemna nak takin hong hih lian a, kipahhuai mahmah mai hi. Tu nung tanpha-in leng hiai Zo-Fest in gahsuah deihhuai tak nei chih kilang hi.

14. SSPP Teikhang Unit phut pha: SSPP General Headquarter in phalna a hong piak bangin Jan. 9, 2005 in Teikhang khua-ah SSPP Unit kiphiatsa pen SSPP Hqrs. pan Tg. H. Kamzakhum, Gen. Secretary, Tg. S. Vanlallian, ECM leh Sialkal Block Secretary Pu L. Ginsuanlian tawh kiphut pha nawn a, approval leng lak ngal ahi.

15. Mizoram MLA Constituency Delimitation tungtang: Mizoram Assembly Constituency Delimitation tungtangah eimite teenna Constituency bik genkhawm dingin April 16, 2005 in SSPP Hqrs. makaihna in Consultative Meeting, Co-Operative Hall, Babutlang, Aizawlah sap ahi a. Hiai hi Divide and Rule Policy hi-a theihna ziaka sap ahi a. Hiai huna thupukna kila bangin Complain bawl ahi a, May 5, 2005 in Election Commission, Govt. of India in public hearing, Aizawlah a sap bangin SSPP Hqrs. in Sialkaltang dung aiawhin kilang a, a lawhchinna muh ding om nailo hi.

16. SSPP Hqrs. Conference 2005: Siamsin mite kitheihtuah nang, siamsinna vai-ah i phattuampih nang leh i malaknate hatzawa a pai theihna ding lametna-in Siamsin Pawlpi Headquarter, Mizoram Conference hi May 18–21, 2005 sungin Mimbung khua-ah thupi taka neih ahi a . Hiai-ah Pu H.V. Lalringa, IAS Chief Secretary, Govt. of Mizoram in Chief Guest hihna tawh hong zatpih hi. Huai loin Mizorama kumpi Officer lian tuamtuamte leh Artist leh MZP General Headquarter pan President Pu C. Lalrokhuma leh Pu V.L. Kroshnehzova, i/c Education Secretary ten leng hong zatpih uh hi. Hiai hunin mipi annkuang umkhawmna thupi taka bawl ahi a, a sum tangin Rs.60,000/- kiseng hi. Chief Guest in Rs. 10,000/- tawh hong panpih baanah Mimbung khua-ah koih dingin Siamsin Hostel hon pia a, Mimbung Village Council ten amun ding hong pe ngal uh a, Siamsin Hostel lungphum leng Chief Guest mahinin hong phumsak ngal a, amaute tungah SSPP Hqrs. kilungdam mahmah hi.

Chin, hiai Conference-ah Sialkal-tang dunga SSPP member-te banah Mizoram mun tuamtuam pan SSPP member bangzah hiam hong kihel in, palai ten a nuaia bangin resolution passed hi:

i) Siamsin mite adingin Siamsin Hostel-cum-Information Centre, Aizawl khuapi-ah neihna dingin malak hi hen.

ii) All India Radio, Aizawl Station pan Paite Programme neih i nget pen a lawhchin ma tan malaktouh zel hi hen.

iii) Kawlbem Small Hydel Project (Leiva) 3500 KW pesuah thei, kum 2002-a Investigation leng lak siang khitsa hi, Mizoram kumpi hattak in 2005-2006 Plan-a hong koihsak ngei nadingin malak hi hen. (Hiai hi tu-in lawhching tou-in 2005-2006 Plan-ah telh ahi a, hiai in hi Sialkaltang dung banah a kiim tangdung teng leng tawm pha vek ding a, kipahhuai mahmah hi)

iv) Sialkaltang dunga Siamsinna School tuamtuam ― Primary, Middle leh High School-a Headmaster omlo leh Teacher kidaih lo lua hi, Mizoram kumpi in a manlanga Teacher hong koihbeh theihna dingun ma hat taka lak hi hen. (Hiai leng lawhching tou-in, a tai theihna-na department head-te lakah tuttouh zel ahi a, tu dinmunin phattuam lam manawhtou ahih ziakin kipahhuai mahmah hi.)

17. Drugs/AIDS Awareness Campaign: A malama gensa bangin Sialkaltang dung khaw tuamtuama i tuailai laka drugs zatkhialhna beina ding leh tua’ zoppih AIDS natna lak pan kikep dan ding thuhilhna Health Department a len, eimite hong deihsak mahmah Pu Vanhela Pachuau, IAS, Principal Secretary, Government of Mizoram, tungtawnin Mizoram State Aids Control Society (MSACS) tawh pangkhawmin SSPP Hqrs. in Aids/Drugs Awareness Campaign May 25-26, 2005 sungin Sialkaltang dung khaw tuamtuamah neih nawn ahi a, hiai-ah SSPPUnit ten a kisam bangkimah hon panpihin a tung uah kipahthu i gen ngal ahi. Hiai hi phatuam mahmahin kipahhuai mahmah hi.

18. Siamsin Hostel Mimbungah: SSPP Hqrs. Conference 2005, Mimbung khua-a neih a hih laia Chief Guest in hong piak Siamsin Hostel bawl dingin malaktouh lellel a hi a, hiai hi Siamsin mi ten i phattuampih ngei uh i lamet hi.

Hichi bang teng, hiai magazine hi SSPP Hqrs. in a khatvei bawlna a hihna tawh Mizoramah SSPP kiphuh pana a kalsuandan teng pulakhuai mah leh, tutunga dingin tu term (2004-2007) pai lel sunga malakna bik teng ahi.