Zomi cih ciangin

Zomi cih ciangin
Zo ngeina lim tak lenin, puahin, kipsak hi.
Zo pau limcisak in, khangsak hi.
Zo lai bul bawl in, mainawtsak hi.

Zomi cih ciangin
Zo gam it in, khual hi.
Zo la phuak in, sa hi.
Zo heisa hah in, etlawmsak hi.

Zomi cih ciangin
Zo min phuak in, thangsak hi.
Zo puansilh in, kizeem hi.
Zo niik teeng in, kalsuan hi.

Zomi cih ciangin
Zo minam ni phawk in, ta'ng hi.
Zo kum thak bawl in, khua do hi.
Zo suan Zo note pantah in, don hi.

Zomi cih ciangin
Zomi in Pasian lim leh meel hi.
Zogam in Pasian khutma hi,
ci-in Pasian um in, mi dangte a it hi.

  Zomite pen

1)  Mi citak leh zuau gen nuam lote leh kuhkal takin nasemte hi hang.
 
2)  Tangtawnga kipanin Zomite galhang leh galkap hoih in i minthang hi.

3)  Hausa, ukpite leh kumpite thu a nial ngei lo, a thumangte hi hang.

4)  Ngeina leh tatdan (culture & tradition) hoih a kemcingte hihang.

5)  U leh nau, beh leh phung a kihuaite hi hang. Zu kikholh, sa kigawhin ki-
      itna leh kideihsakna a lakte hi hang.

 Who Are We?

         A. Nehkhojang Tungdim

We are called Kukis at Kohima,
We are called Chins at Rangoon,
We are called Mizos at Aizawl,
We are called Zomis at Tedim.

We are called Khongsais at Imphal,
We are called Lushais at Shillong,
We are called Laimis at Haka,
We are called Miros at Akyab.

We are called Hmars at Sevon,
We are called Vaipheis at Chongkhozou,
We are called Thadous at Kangpokpi,
We are called Zous at Singngat.

We are called Paites at Hanship,
We are called Gangtes at Saichang,
We are called Simtes at Thanlon,
We are called Raltes at Champhai.

We are called Suktes at Mualbem,
We are called Bietes at Halflong,
We are called Hrangkhols at Agartara,
We are called Lakhers at Saiha.

We are called Pawis at Falam,
We are called Bawms at Chittagong,
We are called Chirus at Langmu Khunou,
We are called Koms at khoirentak.

We are called Chothes at Purum Khullen,
We are called Purums at Purums Likli,
We are called Koirengs at Longa Koireng,
We are called Lamgangs at Thamlapokpi.

We are called Anals at Khullen,
We are called Aimols at Aimol,
We are called Moyons at Komlathabi,
We are called Monsangs at Mongsangpantha.

WE ARE THE SO-CALLED "KUKI-CHIN" TRIBES.
WE ARE ONE AND THE SAME PEOPLE,
WE ARE THE ZOMIS OF ZO RACES,

WE ARE THE ZOMIS.

 ZOMI KA HI HI

          A sa:  Lengtong Pauno

Zogamah ka piang a, Zogam huihkhi ka diik hi
Zogam annkuang ka um a, Zogam ciktui ka dawn hi
Ka lamkhiatna Zogam lei, ka khanna Zo-ann leh tui
Zogam leitanga khangkhia Zomi ka hi.

Kawlgam Vaigam ka piang zong, ka nu ka pa Zomi hi
Kawl-ann Sen-ann ka nek hang, ka si ka sa Zomi hi
Zolai Zopau thei loin, Kawlpau Vaipau ka siam zong
Kawlmi Vaimi hi tuan lo Zomi ka hi.

     Zomi ka hih zumpih kei ning,
     Mi sa'ng a niam zaw ding Pasian hong bawl hi tuan lo
     Zomi bang nungta gamta kampau ning,
     Zomi ka hi hong bawl Pasian min phat ing.

Kamsiatna tawh namdang pasal leh zi nei ta leng,
Kawlgam Vaigam om ta leng, Pasian hong piak tu leh ta
Zomi hihna theisak ning, Zolai Zopau sinsak ning
Ahi zong a masa pen Zomi mah deih ing.
 

Mi namdangte tei zaw, sumzon paaizon zong siam zaw
Kizep kipuah zong siam zaw, annhuan mehhuan zong siam zaw
Zomi ten silh ding nek ding om napi zong zang thei lo

Zomite hai lua sa ing, Zomi ka hi.

 GAM LEH MINAM PAHTAWI NI

          (Lengtong II)

Lungtuak lia leh tang maciang suankhawm ve ni

Lungtuak sinthu sut lailung geelkhawm ve ni

Sinthu khat tuibang luang zaideih awikhawm ni

Ki-it kilemna thu thangsak ni

 

Kawlgam vaigam i hei zong Zomi hi hang

Tuilu tuitaw i hei zong Zomi hi hang

Heina peuh i minam mangthangsak loin

Pupa lamsa gam lia leh tang hi

 

Pi leh pu, tun leh zua, ciin leh tuai aw

Lia leh tang ten Lengtongte lasak ngai un

Sim leitung sam gibang i kikhen loh ding

Pianna khat ci khat nam khat hi hang

 

Gam leh minam adingin pilna siamna

Neihsa sum leh pai leh hatna tha leh ngal

Lungsim pumkhat suakin khut khat tawi bangin

I gam leh i minam tawisang ve ni.